अहमदनगर / नगर सह्याद्री : कोयता हातात घेऊन दहशत करणारा व तीन महिन्यापासुन अत्याचाराच्या गुन्ह्यात पसार असलेल्या संशयित आरोपीला तोफखाना पोलिसांच्या गुन्हे शोध पथकाने ताब्यात घेत अटक केली आहे.
नगर शहरातील कोठला घासगल्ली भागात सुलभ शौचालय येथे एक व्यक्ती हातात कोयता घेवुन परिसरात मोठ-मोठ्याने आरडा-ओरडा करून दहशत निर्माण करत असल्याची माहिती शनिवारी (दि. 27) रात्री साडेआठ वाजता मिळताच पोलिसांनी त्या व्यक्तीला ताब्यात घेवुन त्याचे नाव गाव विचारले असता त्याने त्याचे नाव संदीप उर्फ बाला राजु घोरपडे (वय 19 रा. घासगल्ली, कोठला) असे सांगितले. याला ताब्यात घेत त्याच्याकडून कोयता जप्त केला आहे. त्याच्या विरोधात गुन्हा दाखल करण्यात आला आहे.
दुसर्‍या एका कारवाईमध्ये तोफखाना पोलीस ठाण्यात दाखल असलेल्या अत्याचाराच्या गुन्ह्यातील संशयिताला ताब्यात घेत अटक करण्यात आली. अशिष सिध्दनाथ प्रजापती (वय 23 रा. भगवान बाबा चौक, सारसनगर) असे त्याचे नाव आहे. सारसनगर येथे चहाच्या टपरीवर चहा घेत असताना त्याला ताब्यात घेत अटक करण्यात आली.
सदरची कारवाई निरीक्षक कोकरे यांच्या मार्गदर्शनाखाली पोलीस उपनिरीक्षक सचिन रणशेवरे, अंमलदार दत्तात्रय जपे, सुनील शिरसाठ, अहमद इनामदार, दिनेश मोरे, संदीप धामणे, वसिम पठाण, सुमित गवळी, सतिष त्रिभुवन, शिरिष तरटे, दत्तात्रय कोतकर, सतिष भवर, बाळासाहेब भापसे यांच्या पथकाने केली आहे.
