अहमदनगर / नगर सहयाद्री : उसने दिलेले पैसे मागितल्याच्या रागातून तिघांनी तरूणाला मारहाण केली. किरण बाबाजी जाधव (वय 32 रा. पिंपळगाव वाघा ता. नगर) असे मारहाण झालेल्या तरूणाचे नाव आहे. त्यांनी दिलेल्या फिर्यादीवरून नगर तालुका पोलीस ठाण्यात गुन्हा दाखल करण्यात आला आहे.
काशिनाथ बन्सी गुंजाळ, संदीप भाऊसाहेब जासुद, नितीन काशिनाथ गुंजाळ (सर्व रा. दैठणे गुंजाळ ता. पारनेर) अशी गुन्हा दाखल झालेल्यांची नावे आहेत. सदरची घटना रविवारी (दि. 4) दुपारी तीनच्या सुमारास पिंपळगाव वाघा शिवारात घडली असून बुधवारी (दि.7) सायंकाळी पोलीस ठाण्यात गुन्हा दाखल झाला आहे.
किरण जाधव यांनी हात उसणे दिलेले पैसे मागितले असता तिघे किरण यांच्या घरासमोर आले. काशिनाथ याने शिवीगाळ करून लाथाबुक्क्यांनी मारहाण केली. संदीप याने लोखंडी गजाने मारहाण करून जिवे मारण्याची धमकी दिली. नितीन याने काठीने मारहाण करून शिवीगाळ केले असल्याचे फिर्यादीत म्हटले आहे.
जखमी किरण यांच्यावर जिल्हा शासकीय रूग्णालयात उपचार सुरू असताना त्यांनी दिलेल्या जबाबावरून पोलिसांनी गुन्हा दाखल केला आहे. पोलीस अंमलदार एम.एस.खरमाळे तपास करीत आहेत.
