spot_img
अहमदनगरAhmednagar News : भिंगारमध्ये ट्रक खाली चिरडून प्राचार्यांचा मृत्यू

Ahmednagar News : भिंगारमध्ये ट्रक खाली चिरडून प्राचार्यांचा मृत्यू

spot_img

अहमदनगर : भिंगार मधून जाणाऱ्या कल्याण विशाखापट्टणम राष्ट्रीय महामार्गाची दुरावस्था गेल्या अनेक महिन्यांपासून कायम असून या महामार्गावरील खड्ड्यांमुळे भिंगार मध्ये शुक्रवारी (दि.२) सकाळी आणखी एकाचा बळी गेला आहे. रस्त्यावरील खड्डे चुकविताना दुचाकी घसरून खाली पडलेल्या दुचाकीस्वाराच्या डोक्यावरून मालट्रकचे चाक गेल्याने त्याचा जागीच मृत्यू झाला आहे.

पाथर्डी कडे जाणाऱ्या रोडवर भिंगार वेशीच्या पुढे असलेल्या कमानीजवळ सकाळी ८.१५ च्या सुमारास हा अपघात झाला. यामध्ये दुचाकीस्वार सुनील विजयकुमार बेरड (वय ५२, रा. शहापूर, ता. नगर) यांचा मृत्यू झाला आहे. मयत बेरड हे आठरे पाटील पब्लिक स्कुल मध्ये प्राचार्य म्हणून कार्यरत होते. शुक्रवारी सकाळी ते शहापूर येथून मोपेडवर भिंगार मार्गे नगरकडे येत असताना जिल्हा बँकेच्या शाखे समोर रस्त्यावर असलेले खड्डे चुकविताना त्यांची मोपेड घसरली व ते रस्त्यावर खाली पडले, त्याचवेळी पाठीमागून येत असलेल्या मालट्रकचे चाक त्यांच्या डोक्यावरून गेले.

हेल्मेट घातलेले असूनही अवजड मालट्रक चे चाक डोक्यावरून गेल्याने त्यांचा जागीच मृत्यू झाला. सकाळी सकाळीच हा अपघात झाल्याने तेथे नागरिकांची मोठी गर्दी झाली होती. या अपघाताने बराच वेळ वाहतुकीची मोठी कोंडी झाली. या अपघाताची माहिती मिळताच भिंगार कम्प पोलिसांचे पथक तातडीने घटनास्थळी दाखल झाले. त्यांनी मयत बेरड यांचा मृतदेह रुग्णवाहिकेतून जिल्हा शासकीय रुग्णालयात शवविच्छेदना साठी पाठविला. त्यानंतर वाहतूक सुरळीत करण्याचे प्रयत्न केले.

आणखी महत्वाच्या बातम्या

आणखी वाचा

बिबट्यांचे हल्ले थांबवा, अन्यथा शस्त्र परवाने द्या, कोणी केली मागणी पहा

पारनेर | नगर सह्याद्री पारनेर तालुयात गेल्या काही महिन्यांपासून बिबट्यांचा वावर वाढल्याने शेतकरी, मजूर, शालेय...

हैदराबाद गॅझेट संदर्भात हाय कोर्टाचा मोठा निर्णय, काय दिलाय निर्णय?

मुंबई / नगर सह्याद्री मराठा समाजाला दिलासा देणारी बातमी समोर आली आहे. हैदराबाद गॅझेटच्या...

व्होट चोरीवर राहुल गांधींचा सर्वात मोठा बॉम्ब!; मत अ‍ॅड अन् डिलीट कशी केली जातात? सर्व दाखवलं

नवी दिल्ली / वृत्तसंस्था - लोकसभा निवडणुकांमध्ये मतचोरी झाल्याचा आरोप काँग्रेस नेते आणि लोकसभेतील विरोधी...

…तर लक्ष्मण हाकेंना रस्त्यावर ठोकू, लेकीबाळीची इज्जत काढतोय; मराठा क्रांती मोर्चाचा इशारा

मुंबई / नगर सह्याद्री - ओबीसी नेते लक्ष्मण हाके यांनी केलेल्या लग्नाच्या वक्तव्यावरून राजकाराण तापलं...