अहमदनगर / नगर सह्याद्री : अहमदनगर शहरातून अनेक गुन्हेगारी घटना सातत्याने घडताना समोर येत आहे. आता एक खळबळजनक घटना समोर आली आहे. महिला घरात झोपली असताना आरोपीने घरात शिरत महिलेशी अंगलट करण्याचा प्रयत्न केला.
ही घटना सारसनगर परिसरात घडली. निलेश उर्फ काळ्या मारुती जयभाय (रा.सारसनगर) असे आरोपीचे नाव आहे. पीडितेच्या फिर्यादीवरून भिंगार कॅम्प पोलीस ठाण्यात गुन्हा दाखल करण्यात आला आहे. ही घटना १५ डिसेंबर (शुक्रवार) रोजी घडली.
पीडिता तिच्या घरात झोपली होती. आरोपी निलेश उर्फ काळ्या मारुती जयभाय तिच्या घरात घुसला. तिच्या अंगाशी लगट करून त्याने तिला लज्जा उत्पन्न होईल असे वर्तन केले. याबाबत जर वाच्यता केली तर तुझा काटा काढेल असा दम देत तो पसार झाला. पीडितेने पोलिसांत धाव घेत फिर्याद दिली. पोलीस घटनेचा अधिक तपास करत आहेत.
