अहमदनगर / नगर सह्याद्री : अहमदनगर जिल्हा परिषदेत तोडफोड झाल्याचे वृत्त आले आहे. राष्ट्रवादीचे शहराध्यक्ष प्रकाश पोटे यांनी आक्रमक होत तोडफोड केल्याची माहिती मिळाली आहे.
जिल्हा परिषदेमधील पाणी पुरवठा विभागाचे कार्यालय फोडले असून यावेळी राष्ट्रवादीचे शहराध्यक्ष प्रकाश पोटे आक्रमक झाले होते. विविध गावांमधील जलजीवन योजनेंतर्गत सुरु असणारे काम नियमानुसार नसल्याचा त्यांनी यावेळी आरोप केला. ते म्हणाले, एक दीड कोटीच्या योजना या असून केवळ एक दीड फुटावर पाईपलाईन टाकली आहे. आम्ही याना लाईव्ह पुरावे दिले आहेत.
तरी देखील जिल्हा परिषदेकडून कोणतीही कारवाई झाली नाही. कार्यकारी अभियंता हे फोन उचलत नाहीत असा आरोप यावेळी प्रकाश पोटे यांनी केला. त्यांनी यावेळी त्यांच्या कार्यालयाची तोडफोड केली.
पोटे यांनी जिल्हा परिषद सीईओंना देखील इशारा दिला असून लवकरात लवकर आम्ही सांगितलेल्या गावातील कामाची पाहणी केली नाही तर यानंतर त्यांचे कार्यालय फोडले जाईल असे त्याची म्हटले आहे.
