अहमदनगर। नगर सहयाद्री
दुचाकी पार्किंगवरून दोन गटात वाद होऊन हाणामारीची घटना रविवारी (दि. २८) भिंगार शहरात घडली. या प्रकरणी दोन्ही गटाच्या महिलांनी परस्पर विरोधी दिलेल्या फिर्यादीवरून भिंगार कॅम्प पोलीस ठाण्यात मारहाण; विनयभंग कलमान्वये गुन्हे दाखल करण्यात आले आहेत.
३६ वर्षिय महिलेने दिलेल्या फिर्यादीवरून तिघांविरोधात विनयभंग, मारहाण कलमान्वये गुन्हा दाखल करण्यात आला आहे. फिर्यादी महिलेने दुचाकी पार्किंग केल्यानंतर संशयित आरोपींनी तुम्ही गाडी येथे का लावली असे म्हणून मारहाण केली.फिर्यादीशी गैरवर्तन केले.
फिर्यादीचे पती व सासू यांना मारहाण करण्यात आली. ३५ वर्षिय महिलेने दिलेल्या फिर्यादीवरून पती-पत्नी विरोधात विनयभंग, मारहाण कलमान्वये गुन्हा दाखल केला करण्यात आला आहे. फिर्यादी महिलेच्या पतीने संशयित आरोपींना दुचाकी लावण्यास विरोध केल्याने त्यांनी मारहाण केली. फिर्यादीसोबत गैरवर्तन केल्याचे दिलेल्या फिर्यादीत म्हटले आहे.
