राहता। नगर सहयाद्री-
दोन गटात तुफान राडा झाल्याची घटना घडली आहे. एका गटाच्या जमावाने दोन कुटूंबावर जिवघेणा हल्ला करत घराची तोडफोड व दुचाकी व चारचाकी वाहनांचे तोडफोड केली आहे. याप्रकरणी लोणी पोलीस ठाण्यात गुन्हा दाखल करण्यात आला असून या हल्ल्यामागे नुकत्याच झालेल्या ग्रामपंचायत निवडणुक कारणीभूत असल्याचे म्हटले जात आहे.
बुधवारी रात्रीच्या सुमारास सनगर-मनमाड रस्त्याच्या कडेला असलेल्या अस्तगाव शिवारात मागील भांडणाच्या कारणावरून गावातील संतप्त झालेल्या एका गटाच्या जमावाने दुसऱ्या गटाच्या घरांची तोडफोड, जाळपोळ करून घरासमोर लावलेल्या वाहनांचे नुकसान केले. या घटनेची माहिती पोलिसांना मिळतात त्यांनी घटनास्थळी धाव घेऊन हल्ला झालेल्या कुटुंबियांच्या लोकांना संरक्षण दिले.
याप्रकरणी दिलेल्या फिर्यादीवरून सुनील घोरपडे, सचिन घोरपडे, राजेंद्र घोरपडे, नारायण घोरपडे, सोमनाथ घोरपडे, वनिता घोरपडे, शिवनाथ घोरपडे, शुभम घोरपडे, रोहन निर्मळ, संजय कदम, नंदू निर्मळ, संदीप घोरपडे, कैलास घोरपडे, नितीन घोरपडे, दिपक निर्मळ आदींसह ७१ जणांविरोधात गुन्हा दाखल करण्यात आला आहे.
