अहिल्यानगर |नगर सहयाद्री:-
भरदिवसा नशेडी पतीने पत्नीवर धारदार शस्त्राने हल्ला केल्याची घटना अहिल्यानगर शहरात घडली. याप्रकणी पत्नीने कोतवाली पोलीस ठाण्यात फिर्याद दिली आहे. त्यानुसार पती दसरथ रामकेश निसाद ( रा. शिवाजीनगर, कल्याण रोड, ता. जि. अहिल्यानगर ) याचे विरोधात गुन्हा दाखल करण्यात आला आहे.
फिर्यादी कटूंबासह शिवाजीनगर परिसरात वास्तव्यास आहे. त्यांना दोन मुले आहेत. कटुबांचा प्रसिद्ध इडली सांबरचा व्यवसाय आहे. मात्र पतीला दारूचे व्यसन आहे. व्यसनी पती अनेकदा फिर्यादी पत्नीला शारीरिक व मानसिक त्रास देऊन मारहाण करायचा. ८ जानेवारी रोजी पतीने मैं आज जुवे मे पैसे हारा हु और मैं तुझे और नही संभाल सकता, तु तेरे माँ बाप के घर जा असे म्हणत धारधार शस्राने फिर्यादी पत्नीच्या उजव्या डोळ्याचे वर वार केले.
त्यानंतर पत्नीला रक्तबंबाळ अवस्थेत ठेवून पळ काढला. डोळ्यातुन रक्त आल्याचे पाहुन कटूंबातील सदस्यांनी फिर्यादीला उपचारासाठी सिव्हिल रुग्णालयात दाखल केले होते. उपचारानंतर फिर्यादी पत्नीने पोलीस ठाणे गाठत फिर्याद दाखल केली. त्यानुसारआरोपी पती विरोधात कोतवाली पोलीस ठाण्यात गुन्हा दाखल करण्यात आला आहे. पुढील तपास पोलीस करत आहे
