अहिल्यानगर । नगर सहयाद्री:-
अहिल्यानगर-छ.संभाजीनगर महामार्गावर खाजगी ट्रॅव्हल्सला अचानक आग लागल्याची घटना घडली आहे.ही घटना आज (बुधवार) पहाटे ५ च्या सुमारास घडलेली आहे. सुदैवाने प्रवास करणारे १५ प्रवासी बचावले आहेत. परंतु, आगीत बस जळून खाक झाली आहे.
मिळालेल्या माहितीनुसार, अहिल्यानगर-छ.संभाजीनगर महामार्गावरील नेवासा तालुक्यातील खडका टोल नाका येथे घडली. आज (बुधवार) पहाटे ५ च्या सुमारास अचानक ट्रॅव्हल्स बसने पेट घेतला. ट्रॅव्हल्समध्ये १५ प्रवासी होते. सुदैवाने बसमधील १५ प्रवासी बचावले आहेत. परंतु, आगीत बस जळून खाक झाली आहे.
प्राथमिक माहितीनुसार बसचा टायर फुटल्याने ही आग लागल्याचे समोर आले आहे. सावधानी बाळगत ट्रॅव्हल्स मधील प्रवाशाना तात्काळ बाहेर काढण्यात आले. तसेच भेंडा येथील लोकनेते मारूतरावजी घुले पाटील ज्ञानेश्वर सहकारी साखर कारखान्याचे अग्निशमन दल पोहोचले. आगीवर नियंत्रण मिळवण्यात आलं.
