धाराशिव / नगर सह्याद्री : मराठा आरक्षणाबाबत मराठा समाज आक्रमक झाला आहे. आज विविध ठिकाणी निषेध, आंदोलने केली जात आहेत. अनेक ठिकाणी बंद ठेवत जरांगे पाटील यांना पाहिमबा दर्शवला जात आहे.
दरम्यान, धाराशिवमध्ये आरक्षणासाठी मराठा समाज आक्रमक झालेला पाहायला मिळत आहे. कळंब शहराजवळील कळंब- केज येथील मांजरा पुलावर मराठा समाजाकडून रास्ता रोको आंदोलन करण्यात आले.
रस्त्यावर टायर पेटवून मराठा समाजाची जोरदार घोषणाबाजी सुरु होती. मनोज जरांगे पाटील यांच्या समर्थनार्थ सुरू केलेल्या रास्ता रोको आंदोलनामुळे कळंब केज वाहतूक बंद झाली होती. तर वाहनांच्या लांब रांगा लागलेल्या होत्या.
