अहमदनगर । नगर सहयाद्री:-
संगमनेर येथील एका अल्पवयीन मुलीवर नगरमध्ये वारंवार अत्याचार केल्याने ती गर्भवती राहिल्याची घटना समोर आली आहे. याप्रकरणी पीडित अल्पवयीन मुलीने शनिवारी (३ ऑगस्ट) रात्री तोफखाना पोलीस ठाण्यात दिलेल्या फिर्यादीवरून संशयित तरुणाविरूध्द अत्याचार, पोक्सो कलमानुसार गुन्हा दाखल करण्यात आला आहे.
फिर्यादी अल्पवयीन मुलीवर ९ मार्च २०२४ रोजी दुपारच्या वेळी व २७ जुलै २०२४ रोजी सावेडी उपनगरातील एका बांधकामाच्या ठिकाणी अत्याचार केला. दरम्यान, यामुळे पीडिता गर्भवती राहिली आहे. सदरचा प्रकार पीडितेच्या नातेवाईकांच्या लक्षात आल्यानंतर त्यांनी शनिवारी रात्री तोफखाना पोलीस ठाणे गाठून घडलेला प्रकार पोलिसांना सांगितला.
याप्रकरणी पीडितेच्या फिर्यादीवरून शनिवारी रात्री उशिरा संशयित आरोपी विरोधात अत्याचार, पोक्सो कलमानुसार गुन्हा दाखल करण्यात आला आहे. अधिक पोलीस करत आहे.
