अहमदनगर । नगर सहयाद्री :-
नोकरीच्या शोधार्थ असणाऱ्या तरुणांसाठी एक खुशखबर आहे. लवकरच अहमदनगर जिल्हा सहकारी बँकेत मोठी पदभरती होणार आहे. सातशेहून अधिक जागांची पदभरती यावेळी केली जाणार आहे.
मंगळवारी जिल्हा सहकारी बँकेच्या संचालक मंडळाची बैठक पार पडली. या बैठकीत बँकेच्या नोकरभरतीची जाहिरात प्रसिद्ध करण्याचा निर्णय घेण्यात आल्याची माहिती समजली आहे.पुण्यातील वर्क वेल कंपनी ही भरती करणार आहे.
संचालक मंडळाची दुपारी बैठक झाली. या भरतीत सातशेहून अधिक जागा भरल्या जाणार असल्याचे समजते. भरतीची जाहिरात प्रसिद्ध करण्यास संचालक मंडळाने परवानगी दिली असल्याची माहिती बँकेचे उपाध्यक्ष माधवराव कानवडे यांनी दिली.
भरतीसाठी अनेक संस्थांनी बँकेला प्रस्ताव पाठवले होते. आयबीपीएस, टीसीएससारख्या या कंपन्यांचे दर बँकेला परवडत नाही, अशी भूमिका प्रशासनाने घेतल्याचे समजते.‘एमकेसीएल’ कंपनीनेही प्रस्ताव दिला होता. मात्र, याही कंपनीची निवड झालेली नाही.
