अहमदनगर | नगर सह्याद्री
महानगरपालिकेचे आयुक्त डॉ. पंकज जावळे हे मनपा प्रशासकीय मुख्य कार्यालयातील अधिकारी कर्मचार्‍यांना कारणे दाखवा नोटीस बजावत १ हजार रुपयांचा दंड करूनही दुसर्‍या दिवशी १५५ कर्मचार्‍यांपैकी ४५ कर्मचारी हे कामावर उशिरा आले, यावेळी आयुक्तांनी सर्व कर्मचार्‍यांशी चर्चा करत सांगितले की,आता शेवटची वॉर्निंग असून कारवाईला तयार रहा. असा इशारा आयुक्त डॉ. पंकज जावळे यांनी दिला
मनपा आयुक्त डॉ. पंकज जावळे यांनी दुसर्‍या दिवशी पुन्हा एकदा अस्थापना विभाग प्रमुख मेहेर लहारे यांना कर्मचार्‍यांची गेटवर हजेरी घेण्यास सांगितले होते यावेळी कार्यालयीन वेळ होवून गेली तरी देखील ४५ अधिकारी कर्मचारी हे वेळेत हजर झाले नाही, यावेळी आयुक्त यांनी मनपा कार्यालयात उशिरा येणार्‍यांवर कडक कारवाई करण्याचा इशारा दिला तसेच सर्व कर्मचार्यांनी ओळखपत्र व युनिफोर्म मध्ये कामावर यावे अशा सूचना यावेळी त्यांनी दिल्या
