पारनेर। नगर सहयाद्री-
पारनेर शहरातून एक मोठी बातमी समोर आली आहे. लोकसभेच्या निकालाच्या अवघ्या तिसऱ्या दिवशीच सुजय विखे समर्थक आणि निलेश लंके समर्थक यांच्यामध्ये तुफान राडा झाला. यावेळी निलेश लंके यांचे स्विय सहाय्यक राहुल झावरे यांच्यावर प्राण घातक हल्ला करण्यात आला असल्याची माहिती समोर आली असून परिसरात एकच खळबळ उडाली आहे.
अधिक माहिती अशी की, लोकसभा निवडणुकांच्या निकालानंतर पारनेरमध्ये जोरदार राडा झाल्याची बातमी वाऱ्यासारखी पसरली आहे. नगर दक्षिण लोकसभेचे विजयी उमेदवार निलेश लंके आणि प्रतिस्पर्धी उमेदवार सुजय विखे पाटील यांच्या समर्थकांमध्ये शाब्दिक वाद झाले.
वादाचे रूपांतर हाणामारीत झाल्याने पारनेर शहरात दोन गटात राडा झाला.दरम्यान खासदार निलेश लंके यांचे स्विय सहाय्यक राहुल झावरे यांच्या गाडीची तोड-फोड करत आठ ते नऊ जणांनी हल्ला केला. या हल्लात राहुल झावरे झावरे जखमी झाले असून त्यांच्यावर रुग्णालयात उपचार सुरु आहे.
