जामखेड । नगर सहयाद्री-
गेल्या दीड वर्षापासून सुरू असलेले जामखेड सौताडा राष्ट्रीय महामार्गाचे काम अत्यंत संथगतीने सुरू आहे. काही ठिकाणी सिमेंट रस्ता एक पट्टी तयार तयार झाली आहे पण अरूंद पट्टी मध्ये दोन वाहने बसत नाहीत. यामुळे अनेकांना आपला जीव गमवावा लागला आहे.
दि. २३ एप्रिल रोजी सकाळी मोटारसायकल व आयसर टेम्पो यांच्यात अपघातात झाला. अपघातामध्ये एक जण गंभीर जखमी झाला आहे. जखमीवर खाजगी रुगणालयात उपचार करण्यासाठी दाखल करण्यात आले आहे. रूपेश फक्कड नाईकनवरे ( वय ३५ रा. पाटोदा, जि. बीड) असे जखमी व्यक्तीचे नाव आहे.
अधिक माहिती अशी: नाईकनवरे आपल्या दुचाकी क्रमांक ( एम. एच 14 सी. व्ही 8868 ) ने जामखेड वरून पाटोदा येथे जात असताना जामखेड कडे येणाऱ्या आयसर टेम्पो क्रमांक (एम. एच. 23. ए.यु.4179 ) ने जोरदार धडक दिली .यात मोटारसायकल चे मोठ्या प्रमाणात नुकसान झाले तसेच मोटारसायकल वरील नाईकनवरे गंभीर जखमी झाले आहे.जामखेड सौताडा राष्ट्रीय महामार्गाचे काम अत्यंत धिम्या गतीने होत आहे.
काही ठिकाणी सिमेंट रस्त्याची एक पट्टी तयार झाली आहे. पण यावर दोन गाड्या बसत नाहीत. यामुळे या रस्त्यावर सतत अपघात होत आहेत. साकत फाटा ते नायरा पेट्रोल पंप या चारशे मीटर अंतरावर सहा महिन्यात अनेकवेळा अपघात झाले आहेत यात दोघांचा मृत्यू तर अनेक जण जखमी झाले आहेत. लवकरात लवकर रस्ता काम व्हावे अशी मागणी जनतेमधून होत आहे.
