Breaking News: एकाच कुटुंबातील ७ जणांचा मृत्यू झाल्याची धक्कादायक घटना समोर आली आहे. कटूंब साखरझोपेत असतांना आग लागल्याची माहिती मिळत आहे. पहाटे साडेचार ते साडेपाचच्या सुमारास ही दुर्घटना घडली. यामध्ये एका सात वर्षीय मुलीचा आणि १० वर्षीय मुलाचा समावेश आहे. मन सुन्न करणाऱ्या या घटनेने सर्वत्र हळहळ व्यक्त होत आहे.
चेंबुरमधील सिद्धार्थ कॉलनीमध्ये शॉर्ट सर्किट झाल्यामुळे आज पहाटे भीषण आग लागली. यात एकाच कुटुंबातील सात जणांचा दुर्दैवी मृत्यू झाला आहे. तर परिसरातील काही नागरिकही जखमी झाल्याचे सांगण्यात येत आहे. इतर नागरिकांना घाटकोपर मधील राजावाडी रुग्णालयात दखल करण्यात आलं आहे.
यामध्ये कटूंबातील सात वर्षीय मुलीचा आणि दहा वर्षीय मुलाचा समावेश आहे. याबाबतची माहिती मिळताच घटनास्थळी अग्निशमन दलाच्या गाड्या दाखल झाल्या असून आग आटोक्यात आणण्याचे प्रयत्न सुरु आहेत. एकाच कुटुंबातील सात जणांचा मृत्यू झाल्याने सर्वत्र हळहळ व्यक्त होत आहे.
