अहिल्यानगर । नगर सह्याद्री:-
पुणे महामार्गावर मंगळवारी रात्री चारचाकी व दुचाकीचा अपघात होऊन राहुरी येथील बाप लेकाचा मृत्यू झाला आहे. मनोज हरीभाऊ रासने व सुजल मनोज रासने (रा, मेहत्रे मळा, स्टेशन रोड, राहुरी) असे मयत पिता-पुत्राचे नाव आहे.
आधी माहिती अशी, मयत मनोज हरीभाऊ रासने व त्यांचा मुलगा सुजल मनोज रासने हे मंगळवारी रात्री अहिल्यानगर पुणे माहामार्गावरुन दुचाकीने पुण्याकडून नगरच्या दिशेने येत असताना जातेगाव फाटा येथे अहिल्यानगर कडून जाणाऱ्या एक टेम्पो त्यांच्या दुचाकीला धडक दिली. अपघातामध्य दोन्ही बापलेक जबर जखमी झाले.
घटनेची माहिती मिळताच सुपा पोलिस ठाण्याचे अमलदार संदीप चौधरी यांनी घटनास्थळी दाखल झाले.दोन्ही जखमींना सुपा येथील खाजगी रुग्णालयात दाखल केले असता तेथे डॉक्टरांनी दोघांनाही मृत घोषीत केले. सदर घटनेचा पुढील तपास सुपा पोलिस स्टेशनचे पोलिस निरिक्षक अरुण आव्हाड यांच्या मार्गदर्शनाखाली सुपा पोलिस करत आहेत.
