नवी दिल्ली:-
कोरोनाचा नवीन व्हेरियंट, XEC, अमेरिकेसह 27 देशांमध्ये धोका निर्माण करत आहे. जर्मनीमध्ये जूनमध्ये आढळलेल्या या व्हेरियंटच्या रुग्णांची संख्या झपाट्याने वाढत आहे. तज्ञांच्या मते, येत्या काही आठवड्यांत कोरोना विषाणूची नवीन लाट येऊ शकते.
स्क्रिप्स रिसर्चच्या Outbreak.info वेबसाईटवर दिलेल्या माहितीनुसार, अमेरिकेत 12 राज्ये आणि 15 देशांमध्ये 95 रुग्ण आढळले आहेत.
ऑस्ट्रेलियन डेटा इंटिग्रेशन स्पेशालिस्ट माइक हनी यांच्या माहितीप्रमाणे, युरोप, उत्तर अमेरिका आणि आशियातील 27 देशांमध्ये या व्हेरियंटचे 100 हून अधिक रुग्ण आढळले आहेत. Omicron च्या DeFLuQE सारख्या आव्हानांमध्ये हे व्हेरियंट येऊ शकते, अशी भीती व्यक्त करण्यात आली आहे.
अमेरिकेत KP.3 व्हेरियंटचे रुग्ण वाढत आहेत. CDC नुसार, Omicron प्रकाराचा KP.3.1.1 स्ट्रेन सप्टेंबरच्या सुरुवातीस प्रबळ आहे, आणि 1 ते 14 सप्टेंबर दरम्यान या प्रकाराचे सुमारे 52.7% रुग्ण आढळले आहेत. XEC प्रकार वेगाने पसरत आहे आणि लवकरच KP.3 नंतरचा दुसरा सर्वात मोठा धोका बनू शकतो.
- XEC व्हेरियंटची लक्षणे
स्क्रिप्सच्या रिसर्चनुसार, XEC व्हेरियंटच्या लक्षणांमध्ये तीव्र ताप, अंगदुखी, थकवा, खोकला, घसा खवखवणे, श्वास घेण्यात त्रास, डोकेदुखी, चव आणि वास कमी होणे, उलट्या आणि जुलाब यांचा समावेश आहे. कोरोना व्हायरसची लागण झालेल्या बहुतेक लोकांना काही आठवड्यांत बरे वाटू लागते, पण या व्हेरियंटच्या संसर्गामुळे बरे होण्यासाठी अधिक वेळ लागतो.
